Ebuzz
Trending

ഐ ഫോൺ/ഐ പാഡ് ലോക്കായോ? കമ്പ്യൂട്ടറില്ലാതെ റീസെറ്റ് ചെയ്യാം

നമ്മുടെ നിത്യജീവിതത്തിൽ ​മൊബൈൽ ഫോണിന്‍റെ സ്ഥാനം ഏറ്റവും മുൻപന്തിയിലാണ്​. ഒരു നിമിഷം പോലും ഫോണില്ലാത്ത ജീവിതം എന്നത്​ പുതുതലമുറക്ക്​ ചിന്തിക്കാൻ പോലുമാകില്ല. ശരീരത്തിന്‍റെ ഒരു ഭാഗമായി അവ മാറിക്കഴിഞ്ഞു.

ഈ ഫോൺ ഇടക്കൊന്ന്​​ പണിമുടക്കിയാൽ കഴിയും നമ്മുടെ കാര്യങ്ങളാകെ. ദിനചര്യകൾ എല്ലാം കുഴഞ്ഞുമറിയും. നാം തിന്നുന്നതും കുടിക്കുന്നതും, എന്തിനേറെ ശ്വസിക്കുന്നത്​ പോലും മൊബൈൽ ഫോൺ വഴിയാണ്​. അപ്പോൾ പാസ്​വേർഡ്​ മറന്ന്​ ഫോൺ ലോക്കായാൽ എന്തായിരിക്കും അവസ്ഥ. ഇതറിഞ്ഞ്​ കൊണ്ട്​ തന്നെയാണ്​ ആപ്പിൾ കമ്പനി തങ്ങളുടെ ഐ ഫോണുകളിലും ഐ പാഡിലുമെല്ലാം പുതിയ ഫീച്ചർ കൊണ്ടുവന്നിരിക്കുന്നത്​.

നിങ്ങളുടെ ഐ ഫോൺ അല്ലെങ്കിൽ ഐ പാഡ് പാസ്കോഡ് മറന്ന് ലോക്കായാൽ ഇനി പേടിക്കേണ്ട, കമ്പ്യൂട്ടർ കണക്റ്റ് ചെയ്യാതെ ഉപകരണം റീസെറ്റ് ചെയ്യാം ( reset iphone without computer ). പുതിയ 15.2 iOS അപ്ഡേറ്റിലാണ് ഉപഭോക്താക്കളുടെ നെഞ്ചിടിപ്പ് കുറക്കുന്ന നീക്കവുമായി അമേരിക്കൻ ടെക് ഭീമൻ ആപ്പിൾ രംഗത്തെത്തിയിരിക്കുന്നത്.

സെക്യൂരിറ്റി ലോക്ക് ഔട്ട് മോഡ് എന്ന ഈ പുതിയ സംവിധാനത്തോടൊപ്പം ആപ്പിൾ മ്യൂസിക്സ് വോയ്സ് പ്ലാൻ, ഡിജിറ്റൽ ലെഗസി ഉൾപ്പെടെയുള്ള പുതിയ ഫീച്ചറുകളും ഉൾപ്പെടുത്തിയിട്ടുണ്ട്.

വേണം ഒരുക്കങ്ങൾ – Reset iPhone without computer

സെക്യൂരിറ്റി ലോക്ക്ഔട്ട് മോഡ് പ്രാവർത്തികമാകാൻ ഫോണിലും ഐ പാഡിലുമായി ചില ഒരുക്കങ്ങൾ നടത്തണം. പുതിയ iOS/iPadOS 15.2 അപ്ഡേറ്റ് ഫോണിലും/ടാബിലും ഉണ്ടെന്ന് ഉറപ്പുവരുത്തലാണ് ആദ്യപടി. WiFi അല്ലെങ്കിൽ ഇൻറർനെറ്റുമായി ഫോൺ കണക്റ്റഡായിരിക്കുകയും വേണം. ആപ്പിൾ ഐഡിയും പാസ്​വേഡും ഒപ്പമുണ്ടായിരിക്കണം.

ഇനി ചെയ്യേണ്ടത്

‘Try again Later’ എന്നു കാണുന്നതു വരെ തെറ്റായതോ ശരി ആയതോ ആയ പാസ്​വേഡ് enter ചെയ്തു കൊണ്ടിരിക്കുക. ഇത് സംഭവിച്ചാൽ ‘Erase iPhone’ എന്ന ഓപ്ഷൻ കാണുന്നതു വരെ പാസ്​വേഡ് അടിച്ചു കൊണ്ടിരിക്കുക. ഇതിനായി കുറച്ചു സമയമെടുത്തേക്കാം; ക്ഷമ ആട്ടിൻ സൂപ്പിന്‍റെ ഫലം ചെയ്യുമെന്നാണല്ലോ.

Erase iPhone കണ്ടാൽ ക്ലിക്ക് ചെയ്ത് confirm ചെയ്യുക. ആപ്പിൾ ഐഡിയും പാസ്​വേഡും ടൈപ്പ് ചെയ്ത് sign ചെയ്യുക. വീണ്ടും Erase iPhone ഓപ്ഷൻ തെരഞ്ഞെടുത്ത് ഡാറ്റയും സെറ്റിങ്സും ഡിലീറ്റ് ചെയ്യാം, അഥവാ റീസെറ്റ് ചെയ്യാം. അൽപ സമയത്തിനുശേഷം ഫോൺ/ഐ പാഡ് റീസ്റ്റാർട്ട് ആവും.

കമ്പ്യൂട്ടർ വഴി iTunes കണക്റ്റ് ചെയ്യുന്ന, ദൈർഘ്യമേറിയ പ്രക്രിയ പുതിയ ഫീച്ചറിലൂടെ ഒഴിവാകുമെന്ന് ടെക് വിദഗ്ദ്ധർ ചൂണ്ടിക്കാട്ടുന്നു.

Malik

Writer, Traveler and Automobile Journalist

Related Articles

Leave a Reply

Your email address will not be published.

Back to top button
error: Content is protected !!